On October, 28, 2006 1:16 AM , sa3sa3
from Saudi Arabia said:

ياريت لما تلاقي الحل ..والا لما تعرفي اجابة تدليني عليها

الحلو ان الواحد يعرف ان الاسئلة المتنيلة على عينها دي في دماغ الكل ..

مش في دماغه لوحده

يمكن نقدر نرتاح شوية ..ونعرف انها دنيا دوارة


تحياتي

On October, 28, 2006 1:31 AM , emoussa
from Egypt said:

ان شاء الله لما الاقي حل هابلغك على طول..!!ـ

On October, 28, 2006 5:17 AM , عصفور كان جارح
from Egypt said:

اللغة اللي انتي بتتكلمي بيها مفهومة وانتي مش لوحدك ابدا وسط بحر كله ضدك، ومش حكاية خوف على نفس ولا حكايه خوف عليكي لانك باللي عندك انتي اغنى الناس ولا حكاية خوف من الناس لكن هي حكاية اكتشاف، الانسان بيكتشف فجأة انه كان معاه اغلى شيئ في الحياة، الحياة نفسها، وفجأة الحياة دي بتتسحب بكل عنف من كل نفس من انفاسه، غريق وانتي اللي هتنقذيه انتي الوحيده بعد الله اللي هتنقذيه، تفتكري يبطل يطلب الانقاذ؟ يمكن سؤالك المهم واللي ليكي حق فيه تماما هو انا فين من كل دة؟ ومن هنا بقولك ان الانقاذ اللي بتعمليه هو اللي بيعمل التغيير عند اللي مايجحدش واللي بيقدر بعد ماكنش عارف يقدر ازاي قبل كدة، وصدقيني العيشة مش هتبقى عيشة والسلام، الناس كلها في العادة بيجي التصادم والتنافر بعد فترة طويله وبعد فوات اوان الاصلاح لكن لما بيحصل اللي حصل وبيعرف كل واحد قيمة الاخر وفي البداية وبتتبني الحياة بعد المحن دي على اسس صح، اسس جايز ماتكونش مكتوبة لكن مفهومة واتجربت العيشة من غيرها لفترة، في الوقت دة اكيد الحياة بتبقى احلى والدواعي ان الواحد يخوضها اقوى بكتير من اننا نسيبها ورا ضهرنا، اللي فات حقيقي كان صعب وقاسي جدا والجرح يمكن كان عميق اوي، لكن لما الامر يتعلق بالحياة نفسها بانفاس الحياة نفسها، ارادة التغيير وارادة الحياة بطريقة نحبها وتسعدنا بتبقى اكيدة وحتمية، يمكن اللي باقي هو فيه ادلة تطمن ان فيه تغيير ممكن يحصل؟

On October, 31, 2006 11:33 PM , Tolaetela
from Egypt said:

من تانى بندور هلى الجانى,والضحية؟؟الغريب انه الكل بيظن ان الضحية واضحة زى الشمس .يبقى خلينا ندور على الجانى ومين الصح ومين الغلط؟؟..طيب...نرجع ونسأل من الأول أنا ليه بقيت غريب حتى من جوايا معايا انا غريب؟؟!!طيب انا ليه أخرس وانا بسم الله ماشاء الله لبلب وعندى لغة ويمكن اكتر ؟؟ عندى لغة؟؟ طيب يا ترى أهم لغة موجودة عندى ولا لأ؟لغة ايه؟ لغة الوعى يا عزيزى ...أنت مش ملاحظ اننا لبلب فى الكلام عن الحب والاخلاص والايمان والمسؤلية وقبول النفس والأخر ووووووو......ومع اول مواجهة ...فين كل ده ؟؟طار ونتخبط ونخبط وليه ؟ علشان كل ده على السنتنا فقط .انما فى وعيينا؟!! يا عم روح وعى ايه اللى انت جاى تقول عليه؟!!هو انا وصلت لمرحلة الخرس ليه ؟ وحاسس ان اللى حواليا مش حاسين بيا ليه ؟؟!!مين اللى وصلنى؟أكيد أناواللى انا فيه من خرس ده مش استسلام؟؟يبقى مفيش استسلام بعد كده تانى خلاص , يبقى حل الاستسلام ده مالوش مكان هنا علشان انا عايشه من زمان واغييب نفسى وبادعله واقول عليه ده انا طيب وباحب الناس ومش عايز ازعلهم وعايز ارضيهم على طول..طيب هتنفجر امتى يا ضحية؟؟!!!طيب أنا عايز اخد قرار ...أى قرار ..هو انا لازم كل قراراتى دايما تكون صح علشان افرح بيها وأخدها من غير ما استجدى الاخرين انهم ياخدوه معايا وابقى خايف من اللى هيعملوه فيا بعد كده؟؟اخد القرار صعب والاصعب انى اقرر انى هأتحمل مسؤلية نتائج القرار وخوفى وهروبى من مسؤلية تحمل نتائج القرار هى اللى بتخلى اللى حواليا يخوفونى...تانى ؟ يعنى انا برضه المسؤل عن انهم بيقولولى اللى انت فيه ارحم من اللى ممكن يحصلك بعد كده؟؟؟ اه انا المسؤول.بس استنى هو صحيح كل اللى حواليك مش حاسين بيك ؟؟بتقول ايه؟؟ ايوه؟؟أشك..انا اميل بصراحة انه فيهم ناس حاسين بيا وبيحبونى بس انا اللى مش عايز استقبل حبهم ومش عايز اصدق انهم حاسين بيا . ليه؟؟ ما انا من زمان مش قادر اتحمل مسؤولية حبى لنفسى وكل اللى باعمله انى باظلمها عايزنى دلوقتى اتحمل مسؤولية حب الناس ليا؟؟يأخى ديه ده!!
فهمت بقى انه مش المشكلة فى اللى بيحبك اوى..المشكلة فى انك تحس وتستقبل وتصدق حبه ده والاهم انك تصدق انك تستاهل الحب ده ومن حقك انك تتحب الحب ده ..شفت بقه انه مفيش حاجة اسمها اعيش مع انسان بيحبنى اوى بس انا مش حابب الحياة دى !!لو انا حاسس الحب ده ومصدقه يبقى هاحب الحياة دى بحلوها ومرها بس المهم احس

On November, 02, 2006 1:46 AM , Eno..
from Egypt said:

على الميل وصلني تعليق تولا .. ولما قريته هنا عالبلوج لقيت انه ناقص جزء علشان كده حبيت اعمل كوبي للجزء اللي ناقص بحيث الكلام يوصل كله على بعضه..
Tolaetela said:
(المشكلة فى انك تحس وتستقبل وتصدق حبه ده والاهم انك تصدق انك تستاهل الحب ده ومن حقك انك تتحب الحب ده ..شفت بقه انه مفيش حاجة اسمها اعيش مع انسان بيحبنى اوى بس انا مش حابب الحياة دى !!لو انا حاسس الحب ده ومصدقه يبقى هاحب الحياة دى بحلوها ومرها بس المهم احس بصدق واستقبل بمسؤولية.
التغيير؟؟ اه الانسان ممكن يتغير.لأ..مش فجأة ولا مرة واحدة بس الاول هو يقرر انه يبدأ التغيير والعجلة هتدور وهيفضل يتغير الى أخر نفس فى حياته طالما قرر بأرادة ومسؤولية ووعى. كالعادة طولت عليكم بس ممكن تسمحولى بتعليق بسيط على تعليق العصفور... الحياة زى ما أنت قلت بتتسحب فجأة ومرة واحدة وطالما اتسحبت او أنسحبت يبقى خلاص مش هترجع تانى ابدا يبقى هاصارع طواحين الهوا والوهم؟؟؟!!يعنى اى اكتشاف لحظة انسحاب الحياة مالوش لازمة. ما هى الحياة كانت قدامنا طول الحياة ؟؟!! يا ليتنى قدمت لحياتى.
أسف بس ياريت كان فيه مثل اقل قسوة من انسحاب الحياة على الأقل كان ممكن نلاقلى فرصة للبدء من جديد.
لكم حبى ودعواتى بالوعى.)

On November, 02, 2006 1:56 AM , Eno..
from Egypt said:

دلوقتي هارد انا بقى على تعليق تولا.. ان بجد عندك حق.. لو الحب ده حقيقي كان اتحس و كان وصل و كان الاصح اني اقول في البوست هل لو حد بيقول انه بيحبك اوي ده كفايه لانك تعيش معاه حياه ناجحه.. و الاجابه هي لأ.. لان الحب الحقيقي بيوصل للقلب و يحلي الحياه مهما كانت صعبه.. وردي التاني على نقطة الحياة لما بتتسحب فعلا مش بترجع تاني.. دي بجد اكتر جمله بتعبر عن احساسي دلوقتي..ـ
شكرا على اهتمامك