Thursday, February 22, 2007
صباح الخير..ـ
امبارح كان عندي سهرة تلفزيونية قصيرة جدا كالعادة.. يادوب على قد الوجبة
اللي مالهاش مسمى اللي باكلها لما ارجع من الشغل.. المهم الوقت ده كان
مابين حاجتين شفتهم و عجبوني اوي..
اول حاجه كان برنامج حبة عسيلي بتاع صديقي القديم احمد رجائي او احمد العسيلي زي ماهو معروف على اوو تي في..ـ
كان بيسال في فقرة عسيلي في الشارع اسئلة لطيفة جدا خلتني افكر انا شخصيا في اجاباتها و احاول اجاوب عليهم و اسالكم لو حد عنده اجابات هو كمان..ـ
ايه احلى حاجه في الدنيا؟
في رأيي الطفولة
ايه اهم حاجه في الدنيا؟
الامان
ايه اوحش حاجه في الدنيا؟
الكدب
ايه اصعب حاجه في الدنيا؟
الغربة
ايه اهم عيوبك؟
التهاون في حقي
عملت ايه علشان تصحله؟
اشتغلت على اعصابي وقوة احتمالي كتير وخلقت لنفسي حدود مش مسموح حد يتخطاها واولهم انا..ـ
مين مثلك الاعلى؟
لوقت طويل كان اخويا الكبير.. و في وقت تاني كان ابويا.. و في وقت تالت كانت امي و في مواقف معينة بتبقى اختي الصغيرة "علشان انا عارفه انها هاتقرا البوست ده" و ساعات يبقى اخويا التاني و ساعات تانيه بيبقوا اصحابي وممكن ناس عادية من الدنيا!!ـ
وبعدين اكتشفت مؤخرا ان كل انسان باتعامل معاه من دول و من غيرهم باتعلم منه حاجه بابقى نفسي اعمل زيها و افضل ورايا و اطلع عيني لحد ماتعلمها و اتعود عليها و ادور على غيرها.. يعني القصه مش ثابته و لا بتبقى مرحله و بتعدي..ـ
عايزه كل اللي يقرا البوست ده يجاوب على الاسئلة دي.. و من غير لا تاج ولا صولجان.. اللي يعدي يبقى يقول وخلاص من غير تدبيس و اللي مش عايز يقول كأنه مقراش.. كل مواطن حر في تتيييج نفسه!!!ـ
تاني حاجه اتفرجت عليها كانت فقرة من برنامج العاشرة مساءا استضافت فيها منى الشاذلي اطفال مصريين كانوا مشتركين في مشروع الديموقراطية بين مصر و امريكا.. الفكرة اللي فهمتها انهم بعتوا مجموعه من الطلبة الصغيرين اعدادي و ثانوي امريكا علشان يتعلموا الديموقراطية الامريكية و يحتكوا بالتجربة بشكل و اقعي.. و اكتر ماعجبني في الموضوع ان الولاد ماشاء الله عليهم وخصوصا اللي كان اسمه كريم عصام ده "تانيه اعدادي بالمناسبة".. فيهم وعي مش موجود في ناس كبار كتير بمعنى الديموقراطية الحقيقي وماتخدعوش باي شكل من الاشكال بالوهم الكبير ولا بهرتهم الهالة الامريكية وناقشوا واختلفوا واتكلموا كلام يفرح و كل اللي عايزه اقوله هنا في كلامي عن الولاد دول لاني مش ناويه ادخل في تفاصيل التجربه ان بجد يا جماعه التربيه بتفرق.. الولاد دول كلهم اتربوا في اسر عاديه.. محدش فيهم ابوه خبير سياسي ولا اقتصادي بس كلهم اتربوا على انهم يلاحظوا ويفكروا ويتكلموا .. يتناقشوا ويعترضوا ومش عيب لو يغلطوا علشان يتعلموا..ـ
لوسمحتوا يا جماعه.. اللي عنده ولاد وبنات يربيهم كويس .. مش هاقول اكتر من كده!!ـ
Monday, February 19, 2007
اكتر حاجه شاغلاني في ازمة ماسورة المعادي..ـ
مش انعدام الميه من البيوت لاكتر من يومين..ـ
ولا طوابير الناس اللي بتتلم على حنفيات الجناين علشان تملا ميه مجهولة الهوية و المصدر..ـ
ولا المستشفيات و المرضى اللي فيها..ـ
ولا المخابز و العيش و اللي عايزينه..ـ
ولا المدارس و الطلبه المزنوقين..ـ
ولا احساسي الشخصي بالضئالة قدام واحده من نعم ربنا العجيبه..ـ
ولا احساسي بالشماته في الاخوه البوابين اللي مش لاقيين ميه سايبه يغرقوا بيهاالعربيات و بالتالي الشوارع..ـ
ولا ولا ولا..ـ
كل اللي شاغلني بجد وواجع دماغي..ـ
يا ترى..ـ
يا هل ترى..ـ
السيد مساعد وزير الداخلية و السيد السفير الاسرائيلي قدامهم حنفيات جناين و لا ياعيني بيضطروا ينزلوا يملوا ميه من ميدان الجزاير برضه؟!!؟
Saturday, February 17, 2007
ساعات باحس الصبح اني باخرج من بيتنا و ادخل في شريط فيديو بيكرر نفسه.. كل يوم نفس الوشوش و نفس الاحداث في نفس الاماكن.. كنت ابتديت ازهق لحد ما قررت اركز في هوايتي القديمة.. و اراقب وشوش البشر.. اصاحب عينيهم.. و اقرا افكارهم.. وابتسم في وشهم و اسلم عليهم..ـ
حتى لما بتصادف ان اول وش اقابله يكون مكشر عالصبح لاي سبب من الاسباب.. بلاقي ان الابتسامة و السلام بيفك التكشيرة و يفرد الوش ولو لثواني.. يعني عم البواب مثلا.. حد وصفله زمان انه لما يسقي الزرع الصبح وهو مكشر ممكن يكبر اسرع.. وهو واضح انه اقتنع بالنصيحه وبينفذها.. بس لاجل حظه و حظ الزرع ان اول مابانزل و اصبح عليه بطريقه معينه بتضحكه في ساعات اليوم العاديه و بتخليه يبتسم في ساعات الصباح الباكر.. و على السادة السائقين الاحتراس من الشبورة!!ـ
بعدها بقابل حد جميل اوي بس ماعرفش اسمه.. عم السيكيوريتي اللي باركب من قدامه الباص.. من اول يوم صبحت عليه وهو اعتبرني بنته.. و اعتبر اني من ضمن مسئولياته.. لا يمكن يدخل المكتب و لا يسيب مكانه الا لما يتطمن اني ركبت.. ومهما انشغل بلاقي عينه الطيبه متابعاني .. زي مايكون خايف حد يضاقني ولا الباص يفوتني.. اب جميل اوي انك تقابله عالصبح..!ـ
وانا واقفه قدام ابويا عم السيكيوريتي بقى بقابل صحابي الكوميديين.. اتنين اخوات بس ولا توم وجيري.. كريم و بهاء.. كريم في اعداديه و بهاء في ابتدائي.. كل يوم ماماتهم او باباهم بيوصلوهم لان الباص كالعاده بيفوتهم!!ـ بس بداية معرفتنا كانت في يوم قرروا فيه انهم ياخدوا تاكسي لوحدهم.. و على السيرك اللي عملوه علشان يوقفوا تاكسي.. كنت هاموت من الضحك.. بس الحمد لله بعد شوية مساعدات من عم السيكيوريتي لقينا تاكسي و شحناهم عالمدرسة في اخر لحظه!ـ
في الباص طبعا الوشوش خلاص اتحفظت.. كلنا بقينا عارفين بعض و بقى بينا نوع من انواع التعارف الضمني.. صداقة مبهمة.. بدون كلام.. نظرات صباح الخير.. و كنتوا فين امبارح.. وربنا معاكوا بقت عامله زي الكود السري بينا و بين بعض..!!ـ
في الطريق بقابل ناس.. كل يوم في نفس الاماكن.. على نفس الرصيف قاعدة الست بتاعة الجرايد في شارع المنيل بعدها بشويه عم البياع الكفيف.. شايل كيس مليان مناديل وواقف في نفس المكان من نفس الشارع.. ابتسامته تنور الف وش.. و كانه مش هامه نور الصبح اللي اتحرم منه.. وعند كوبري الدقي لو انت قاعد في المدرجات الشمال هاتشوف السيد المحترم اللي بيقف كل يوم في مكان ما شبه البلكونه.. من عمارة ما جنب الكوبري.. وهو في كامل اناقته.. بدله و كرافات.. يوم بعد يوم لما ركزت اوي في المكان الغريب اللي هو واقف فيه.. اكتشفت ان الوسيله الوحيده علشان يقف في المكان ده انه يكون خرج من شباك من الشبابيك.. عادي جدا.. براحته!!ـ
انما لو انت قاعد في المدرجات اليمين اكتر حاجه هاتلفت نظرك هي تظاهرة الصباح اللي بيعملها عمال و سواقين شركة تي ان تي قدام عربية الفول اللي عالناصيه في اول الكوبري!!!ـ
ونوصل ميدان لبنان و اهم نقطة في الميدان هاتكون المعلمه صاحبة عربية السندوتشات اللي جنب زاوية الصلاة.. و الظريف انها غير باقي اللي فاتوا دول كلهم. لان الست دي ممكن تشوفها في اي وقت على طول اليوم في نفس المكان وكأنها بتشتغل الى مالا نهاية!!ـ
وبعد شوية مشي صغيرين بقابل اخر صديق قبل المكتب وهو عامل النضافة.. اللي استغرب اوي مع اول مره قلتله فيها السلام عليكم.. و كأنه اتعود انه يبقى مش متشاف.. موجود ومش موجود.. يشيل اللي بنرميه.. ولا حد يفكر فيه و كأنه جي مع الشارع.. مع عمود النور.. كانه امر مسلم بيه !!ـ
لو كلنا نبص كويس.. هانلاقي ناس تانيه حوالينا.. ناس غير الناس اللي احنا متعودين عليهم وهم متعودين علينا..ـ
قولولي بقى.. لما بصيتوا كويس.. لقيتوا مين؟؟؟
Friday, February 09, 2007
I've been holding myself from writing for 3 weeks and more..
Just to avoid any stupid comments or annoying fights here or there..
But suddenly I found out that am only neglecting myself.. I noticed that am only avoiding my anger that I'll sure face in the first letter I'll write!!!
I believe its very hard to shut down yourself, to switch off your feelings just to please anyone..!!
Just to escape the fight..!!
But I lately noticed again that I have no right to kill my feelings.. Just as we are not allowed to hold our breath till death.. Its not acceptable and its not even comfortable!!
So I've decided to open up.. Bring it all out.. Through away all the rusted parts of my heart.. Am turning back to my original job.. I will restore it.. Replace the highly damaged parts and conserve the repairable parts.. It will take sometime.. Yes, little hard.. Sure yes, but its never impossible..!
I'll start with my loving feelings and say.. Yes I love u, u close ones to me, in spite of the hurt.. The anger and the pain u brought to my heart..
I still and always will love each one of u...
Then I'll step next to my anger and say, you.. Who managed to some extent to push my anger to the maximum sometimes..
Although I can never care the less for anything you say or do.. But you did it.. And I cant minimize your achievement ..
You've earned my congratulations..!
Finally I'll reach deep down to the darkest part, the part I never liked in my heart.. Am not willing in here to give you the chance to enjoy it but I just have to admit it, you successfully managed to reach down there.. You are now a black stain has to be wiped carefully.. Ashes of a burned memory has to be blown away to clear out that heart basement am keeping my junk hard feelings in!! Although I didn't wish to hate you or anyone...
But you've earned my congratulations again and again..!
<<Home
