Why is it too hard for some people to be honest and fair? Why is it too hard for some people to reach the minimum
amount of decency in dealing with others!! Why is it always that hard!! And why is it always me that catches the crap..!! When Rika started her group ‘jerk magnets’.. Although I
didn’t share much in there but i was really impressed by the idea and felt its
very much me.. Am not much into feeling petty for myself and I think I’ve
been through much more to do so, I need to know where is the joy in hurting others feelings,
insulting their minds and underestimating their hearts and souls!! What kind of a human being that enjoys such a thing.. Man or
a woman.. Where the hell is the funny part in this situation!!? I really need an expert answer
for these questions to make it easier for me to accept what am facing in this
world..
But now, am having that feeling of being way behind a normal jerk
magnet..!!
Am more like a cube of sugar thrown in the ants kingdom with
no ‘Raid’ around!!
but I didn’t at the time and am not willing to
do so now.. But what am talking about.. Is the idea itself..!
And believe me it’s not too much to ask!!
نفسك تقف.. تعطل ولا تفضل تلف في دايرتك..ـ
مع ان لسه المشوار طويل..ـ
تقل الحمول و كام جرح فات.. خلوك تتوه عن سكتك..!ـ
لحد امتى تفضل تلف بيك السكك.. و تدور في نفس الدواير..ـ
كإن عمرك صبح ميدان.. تلف فيه بلا مخرج.. بلا اول ولا اخر..ـ
تتمنى لو لحظه تشقه اشارة مرور..ـ
و تقولك استوب.. لازم تقف تاخد نفس.. علشان تكمل لفّتك!!ـ
لحد امتى يفضل صباحك نفس الصباح..ـ
ومساك لامتى يفضل بصوته و بملامحه.. نفس المسا اللي راح..ـ
امتى يجيلك يوم جديد..ـ
وتحسه جايلك ليك لوحدك.. يملا اللي جي يعوضك ايام فاتتك..!؟
كل شيء بقى متوقع و ممكن ومش بعيد.. مابقاش في شيء مستحيل ولا مش ممكن ولا حتى مستبعد.. كل شيء وارد.. وكل شيء ليه سبب.. فهمته او لأ.. هو برضه موجود.. كل شيء ليه علامات .. شفتها او لأ هي برضه بتحصل!ـ
الحكايه دي يمكن في الاول كانت بتضايقني شويه .. انما بعد كده بقت بتضحكني.. بقيت اضحك من نفسي.. واضحك على نفسي..ـ
يخرب بيت دماغك يا انوس.. يا بنتي اتخضي.. استغربي.. اتعجبي وبرقي واصرخي.. قولي لاااااااااااا مش معقووووووول.. قولوا كلام غير دا!!!ـ
قولي يا نهار ابيض.. ولا كان يخطر على بالي يحصل كده.. انا عمري ماكنت اتصور ان ده ممكن.. قولي اي حاجه.. بلاش بواخه!!ـ
بس دلوقتي ما بقتش اقول كده.. بقيت اضحك واهز راسي يمين وشمال.. فالناس تفتكر ان دي طريقتي في التعبير عن الخضه..ـ
وابقى كده ريحتهم و ريحت نفسي!!ـ
يَا
أَيَّتُهَا النَّفْسُ الْمُطْمَئِنَّةُ * ارْجِعِي إِلَى رَبِّكِ
رَاضِيَةً مَرْضِيَّةً * فَادْخُلِي فِي عِبَادِي * وَادْخُلِي جَنَّتِي
انا لله وانا اليه راجعون
توفي الى رحمة الله الموسيقار حسن ابو السعود نقيب الموسيقيين المصريين والد اختي رشا..
نسألكم كثرة الدعاء له بالرحمة و المغفرة .. ولاهله بالصبر والثبات.ـ
و ياما تعبت و استنيت
حلفت اثبت لكل الناس
اني هالاقي لو ضحيت!!ـ
وقلت هاتعوضني بيك .. و عدتني
ضحيت بعمري و ثقت فيك.. كسرتني
و اتاريني علقت روحي بحبال دايبه
ضيعت وقتي في مجازفه خايبه
مشيت ورا قلبي و اخترتك
ضحيتلك.. ضحيت بي!!!ـ
اكيد دي مش الاغنيه الوحيده اللي بتتكلم عن الفكره دي ولا عن النوع ده من المشاعر و العلاقات .. بس مش عارفه ليه كل ماسمع الاغنيه دي تحديدا واركز في كلامها.. بافكر في مبدأ الحب ده و كانه فكره متضاربه جدا.. على الاقل جوايا..!ـ
هو فعلا الحب حباله دايبه؟؟
طب هو فعلا الحب مجازفه خايبه؟؟
هو احنا المفروض نحب ولا لأ؟؟ هو في اصلا حب بجد؟؟ طب ليه دايما القلب و العقل مش متفقين فيه؟؟!؟
اسئلة كتير اوي لسه بتملاني كل مافكر في موضوع القلب و العقل ده.. و رغم اني المفروض شفت كتير و اتعلمت من الدنيا و من الناس حاجات كتير -يمكن تكون اكتر من اللازم- انما لحد دلوقتي لسه مش قادره افهم.. او فاهمه و مش عارفه انفذ اللي فهمته!!ـ
هو الحب عطاء لمالا نهايه.. و لا الحب زي اي حاجه في الدنيا لازم يكون اخد و عطا.. وبعدين مين اللي المفروض يدي التاني اكتر.. يعني تحب اللي يحبك علشان بيحبك اوي ولا تحب انت الاول اوي حتى لو ماكانش هو بيحبك!!ـ
مش بيضه ولا فرخه.. ولا الحكايه ناقصه حيره..!ـ
بس عارفه ان الحب مش قرار و انك المفروض تنكفي على وشك و تلاقي روحك سايباك ورايحه لحد تاني بس لانها بتحب تكون معاه اكتر ما تكون معاك لوحدك.. بس هو ده بيحصل بجد ولا ده كلام سيما؟؟!؟
ايوه برضه عارفه ان في ناس بتحب بعض اوي.. الحب اللي هو نفسه بتاع السيما.. او على الاقل بيقولوا كده او ظاهرهم كده.. واحنا لينا الظاهر..!ـ
بس اللي انا لسه مش عارفاه.. هو فين مصدر الحب.. بيبتدي بجد امتى وفين.. وفين مقره في البني ادم.. القلب ولا العقل.. طب لو حصل تضارب بين القلب و العقل.. نمشي ورا مين فيهم.. نحب و خلاص و نبقى من مدرسة الحب من غير امل اسمى معاني الوجود.. ولا نحسبها بالورقه و القلم و نبقى من مدرسة اللي يحسب الحسابات في الهنا يبات؟؟
حلوه اوي فكرة انك تلاقي نفسك مشدود لحد بشكل غريب.. واظن انها احلى بكتير من فكرة انك تلاقي حساباتك بتشاورلك على حد و تقرر تحبه او تعمل بتحبه علشان تقنع نفسك قبل ماتقنعه..!ـ
بس اللي مش حلو هي كسرة القلب.. لما يطلع اللي انت اتشديتله مايستاهلش ولا مابيفهمش او حتى مش حاسس بيك و لا عارف انك موجود اصلا.. او لو اتجاوب معاك و عجبه الحال.. وطلع بيتسلى ولا بيجرب ولا حتى رجع في كلامه و استخدم حقه الطبيعي كانسان ممكن يقول حاجه و يرجع فيها..!ـ
ساعتها الخبطه بتبقى دوبل.. ووجعها برضه بيبقى دوبل.. وجعك و ضيقك منه ومن الموقف.. ووجعك وحزنك على نفسك.. وممكن يزيد عليهم ضربك لدماغك بالجزمه.. والتأنيب و التعذيب و كنتي فين يا لأ لما قلت آآآآآه!!ـ
الخلاصه لاني حاسه ان الموضوع ده "إندليس" زي ما بنقول بالانجليزي.. عمر الكلام فيه ما هايخلص و عمره ما هايكون له نتيجه يتفق عليها كل الناس و يفهموها.. بس اللي انا للاسف حاساه وواصلني اوي ان ممكن يكون في ناس مش مكتوبلها تحس الحب الصح او مش مكتوبلها تقابل الحب الصح على الاقل مش في الوقت الصح.. و الناس دي كتيييييييييير اوي.....ـ
وانا واحده منهم..!ـ
و كبرت في دماغي الفكره اكتر و اكتر بعد استشهاد كارتيرة ريكا في حادثة بلاعه.. على اعتاب فكرة نزول اسكندريه و الفسحه في وسط البلد..!ـ
وزاد الطين بله القفش و التسمم و الحاجات المريبه اللي حصلت تاني يوم..ـ
لكن الظريف و الغريب في نفس الوقت.. اني على غير العاده ماقفلتش من المشوار و لا اتخنقت.. بالعكس .. كان دايما جوايا رغبه جامده جدا في الاستمتاع باليومين دول رغما عن انف هيئة الصرف الصحي و محافظ الاسكندرية الهمام..!ـ
و فعلا ركزت اوي في هدفي الاساسي من السفريه دي وكان بمنتهى الوضوح هو.. البحر فالبحر ثم البحر!!ـ
بحر من الصبح لحد الغروب و ليذهب باقي اليوم الى الجحيم!!ـ
انا و الكاميرا و كتابي و سيديهات.. و موج البحر و رمل الشط و شمس و هوا..ـ
هي دي بالضبط كانت الخطه الموضوعه.. ومادام اتنفذت .. اذا انا نجحت!!ـ
و كالعاده وقفة البحر بتجيب القديم و الجديد.. بتطلع كل اللي جوايا.. كاني اترميت في حضن ابويا ولا اخويا .. احكي وهو يسمعني.. بموجه يطبطب علي و يقولي انسي.. يقولي كله بيعدي.. وماتخافيش.. مش هاييجي اكتر من اللي راح!!ـ
يومين جُمال عدوا هوا..ـ
ورغم كل اللي حصل..ـ
نفسي ارجع للبحر تاني!!ـ
<<Home
