كما الترس القديم.. صَبَحت تقيله خطوتك..ـ
نفسك تقف.. تعطل ولا تفضل تلف في دايرتك..ـ
مع ان لسه المشوار طويل..ـ
تقل الحمول و كام جرح فات.. خلوك تتوه عن سكتك..!ـ
لحد امتى تفضل تلف بيك السكك.. و تدور في نفس الدواير..ـ
كإن عمرك صبح ميدان.. تلف فيه بلا مخرج.. بلا اول ولا اخر..ـ
تتمنى لو لحظه تشقه اشارة مرور..ـ
و تقولك استوب.. لازم تقف تاخد نفس.. علشان تكمل لفّتك!!ـ
لحد امتى يفضل صباحك نفس الصباح..ـ
ومساك لامتى يفضل بصوته و بملامحه.. نفس المسا اللي راح..ـ
امتى يجيلك يوم جديد..ـ
وتحسه جايلك ليك لوحدك.. يملا اللي جي يعوضك ايام فاتتك..!؟
Thursday, April 26, 2007
Add a Comment
Add a Comment
<<Home
يا ترس لا تغضب ..... إهدا و كمل لفتك
للحزن هايرد اللي غاب ....ولا اللي جاي راح ينصفك
اذا ما كنتش تتعدل ...وتقوم تسرع خطوتك
غضبك هيعميك عن حاجات هي اللي ممكن تسعدك
لملم همومك و الجراح وضيف معاهم حلم راح
واردم عيهم كلهم... ودس عليها بجزمتك
اما البكى ...و الشكوى من غدرالزمان
والنوح على قبر الي راح و اللي ادفن
مش راح يفيد.... ولا عمرة يوم راح يتقذك