Saturday, May 05, 2007
ابتديت الاحظ ان كلمة انا اسف بقت عامله زي لحن مشروخ بيعزف في وداني صبح و ليل..ـ
و ابتديت كمان الاحظ انها قربت تفقد معاني جميله و محترمه عندي..ـ
زمان كنت باحترم اوي اللي بيعتذر عن اي خطأ ويقولي انا اسف و كنت باعرف واحس لما يكون الغلط ايه اللي وراه بالضبط.. وانساه في لحظه مهما كان كبير مادام مش مقصود..ـ
و كان معروف عني اني ابدا مش باتكسف اني اعتذر ولا باتردد لحظه مع كتر غلطاتي اقول انا اسفه..ـ
انما دلوقتي بقيت مش فاهمه..ـ
ازاي حد ممكن ينشن اوي ويدب صباعه في قلبك ويقولك اووووبس هي وجعتك؟ ..ـ
انا اسف..!!ـ
وازاي حد يدوس على مشاعرك مره واتنين وتلاته و يقولك.. معلش معلش مش هاعمل كده سابع..ـ
انا اااسف..!!ـ
و ازاي كمان حد ممكن يستفزك لاقصى درجه مره و اتنين و تلاته.. وف كل مره يقولك لا لا.. انت اتعصبت ليه؟..ـ
انا ااااااسف...!!ـ
لا بقى معلش..ـ
انا كمان اسفه.. مبقاش فاضللي غيرحتة قلب..ـ
معنديش استعداد اخسره علشان اي حد مهما كان مكانه جواه..ـ
انا كمان اسفه.. مابقاش فاضللي غيرحبة مشاعر..ـ
معنديش استعداد اجرحها علشان اي حد مهما كان ليه نصيب منها..ـ
انا كمان اسفه.. مبقاش فاضللي غيرشوية اعصاب..ـ
معنديش استعداد احرقها علشان اي حد مهما كان عارف انها اصلا مش ناقصه..ـ
انا كمان اسفه جدا..ـ
مش قابله اسفك..!ـ
Add a Comment
On May, 18, 2007 3:12 PM , www.blogspot.com
from Egypt
said:
from Egypt
said:السلام عليكم أنتى كلامك جميل وبجد أثر فيه لأنه الواقع الى أحنا عايشنه بس مش فاهمينه لأن الى زيك فى تفكيرة بيجيى على نفسه كتير عشان ناس كتير وممكن معطمهم ملهمش لازمه فى الدنيا ولا حياته هو شخصيا على الأقل ونصيحة بلاش تيجى على نفسك عشان حد مهما كان لأنى عملتها وبقالى سنتين ندمان ومش عارف الاقى نفسى تانى أنا مش فاكر أسم أشتراكى فى جيران بس هوwww.rashad.co.nr
Add a Comment
<<Home
from Egypt
hello Eno... you know? I wish if i could be honest the way you are... thanks again for every feeling and decion you allow us to share with you ... rabina yenawelek kol eli betetmanih kolo ya rab cos you deserve the best eno... miss you ya ostaz and wish to know your news...