الاسبوع اللي فات كنت عايزه اقول ان احساس الرمله الساقعه بين صوابع رجليّ.. الساعه واحده بالليل.. قدام بحر اسكندريه.. و تحت بدر تمام.. و نجوم بتعافر تبان.. احساس رااااائع جدا مافيش حاجه ممكن تعادله الا لو فجأه و في عز نومك على الرمل تجيلك مكالمه من حد ليك معاه ذكريات جميله اوي يقولك ان بينه و بينك كام متر!!!ـ
وامبارح كنت عايزه اقول ان احساس القعده في مكان جميل و فاضي ماليه الهوا و نور القمر من كل اتجاه.. و شعر نجم و اغاني منير و الشيخ امام.. مع صحبه جميله بتحب بعض اوي.. احساس راااااائع جدا جدا صعب اي حاجه تقطعه غير طيف حد عزيز اوي ومختفي من فتره طويله.. تكتشف انه واحشك و تتمنى يكون قاعد معاك في اللحظه دي!!ـ
النهارده بقى عايزه اقول ان احساس الصحاب بجد اللي تلاقيهم معاك في اي لحظه و في كل لحظه.. و اللي تلاقي نفسك عايز تبقى معاهم في كل مواقف حياتهم و عايزهم معاك في كل مواقف حياتك احساس رااااااائع جدا جدا جدا مش ممكن حاجه تغلبه الا نفس الصحاب دول وهم بيطبطبوا عليك ودموعك نازله من غير كسوف قدامهم !!ـ
اخيرا قلت جزء من اللي نفسي فيه.. و الباقي مره تانيه!!ـ
Saturday, July 07, 2007
بقالي فتره عايزه اقول حاجات و مش لاحقه .. مشغوله جدا في خمسين حاجه.. حتى وقت فراغي القليل جدا مش باسيب نفسي افضى فيه.. علشان ماسيبش دماغي تفترسني زي ما وليد بيقول!!ـ
Add a Comment
On October, 24, 2007 2:58 AM , dreamerg
from Egypt
said:
from Egypt
said:بجد مدونتك وكلماتك جميلة ومعبرة جدا لان اللى بيخرج من القلب بيوصل للقلب
Add a Comment
<<Home
from Egypt
ربنا يسعدك على طول إن شاء الله :)