بـاحـلم علـــى قـدّي....ـ : عجبي..ـ

مفيش حاجه محدده عايزه اكتبها بس اظن ده طبيعي اليومين دول.. على اعتبار ان مفيش اي حاجه واضحه في الحياه دلوقتي.. كل الحاجات محيره و مفيش ثوابت للاسف..ـ
او يمكن مش للاسف!!ـ

غريبين اوي احنا البشر.. عايزين كل حاجه و مش عاجبنا حاجه!!ـ
واضحين و محددين في الحاجات الهايفه و ساعة الجد نغرق في بق ميه!!ـ
الفضول بيقتلنا علشان نعرف اللي جي.. واول ما يهل نخاف و نجري منه بالمشوار!!ـ
نعيش دور اصحاب القرار و لما يطلع نص كم ندور على اي حيطه تدارينا!!ـ
الشغل ولا البيت..!؟
الحب و لا الفلوس..!؟
جد و لا هزار..!؟
احنا و لا الناس....!؟

صدق جاهين..ـ

لا تجبر الانسان ولا تخيره..ـ
يكفيه مافيه من عقل بيحيره..ـ
اللي النهارده بيطلبه و يتمناه..ـ
هو اللي بكره هايشتهي يغيره!!!ـ

و عجبي..ـ