و كنت دايما باوصل لنفس النتيجة..ـ

التجربة الحزينة هي اللي بتخلق فيك اقوى ابداع.. هي اللي بتخرج من جواك اكبر كم من المشاعر.. الحزن هو اللي بيخلع قلبك من مكانه و يحطه قدام عينيك.. بيسيطر على كل حواسك.. بيخلي احساسك بالحاجات غير اللي كان.... بيخليك انسان!!ـ

كنت زمان بافتكر ان الحب ده حاجه حلوه اوي.. لحظات سعاده تجمع اتنين بيحبوا بعض.. وبس!!ـ

بس اكتشفت انه مش بس ولا حاجه.. اكتشفت ان الحب اكبر من كده بكتير..ـ 

بكل الاحاسيس اللي فيه.. الحلوه و المره..ـ

بكل الافكار اللي فيه.. الايجابيه و السلبيه..ـ

الحب بكل احواله.. و انت مع اللي بتحبه..ـ

و انت لوحدك..ـ

و حتى وانت بتحب حد مش بيحبك بنفس الشكل!!ـ

الحب في حد ذاته كاحساس.. كتجربه.. مهما كانت قويه.. مهما كانت حزينه.. مهما كانت مؤلمه.. هي من اجمل التجارب اللي ممكن نعيشها.. و اللي المفروض نعيشها.. و اللي من غيرها دايما بنفضل حاسين ان في حاجه ناقصانا .. ونفضل ندور عليها سنين وسنين.. وممكن نعيش ونموت مش عارفين هي فين..!!ـ

كتير بابقى عايزه اقولك شكرا على كل اللحظات الحلوه اللي باعيشها معاك..ـ

و كتير بابقى عايزه اقولك شكرا على كل الاحساس اللي بيطلع من جوايا بسببك!!ـ